Kushtrim K., me origjinë shqiptare, dëshironte të vizitonte partnerin e tij në Gjermani por u ngacmua keq në kufi.
Ai donte të udhëtonte nga Zvicra te ‘shoku’ i tij në Konstanz (Gjermani), por u ndalua nga një efektiv gjerman në pikën kufitare.
Në mënyrë që të udhëtoni tek një partner, me të cilin nuk jeni ende të martuar në Gjermani, në pikën kufitare duhet që të provoni marrëdhënien. Kushtrim K. dhe partneri i tij kishin nënshkruar paraprakisht një konfirmim të marrëdhënies.
Sidoqoftë, ky konfirmim nuk ishte i mjaftueshëm për efektivin e kufirit. Ai këmbënguli të shihte fotot e çiftit homoseksual. Zvicerani i lindur në Shqipëri e pyeti mëdyshje nëse ishte e nevojshme, por doganieri kishte reaguar me zemërim.
“Ai më bërtiti duke u shprehur se mund të kthehesha mbrapsht nëse nuk kisha dëshirë. Isha krejtësisht i hutuar dhe nën presion. Nuk kam asnjë foto me të në rrjetet sociale. Prindërit e mi janë myslimanë të devotshëm, ata kurrë nuk do ta kuptonin marrëdhënien time,”– tha K. për “20 Minuten”. Pasi kërkoi për një fotografi në smartphone-in e tij për një kohë të gjatë, Kushtrimi më në fund gjeti një foto së bashku përpara Kullës Eiffel.
“I tregova doganierit një foto të partnerit tim bashkë me mua në Paris. Fotografia nuk ishte e mjaftueshme për oficerin. Ai kërkoi më shumë fotografi”. Edhe një foto e partnerit me të brendshme nuk mund ta bindte oficerin gjerman.
Ai ndjehej aq i pavendosur nga oficeri sa që në dëshpërimin e tij ai tregoi një foto seksi të tij dhe partneres së tij. Fytyra e tij dhe penisi i partnerit mund të shihen në të.
“Efektivi i doganave u lëkund vetëm pasi pa fotot intime. Ndihem aq keq dhe i ekspozuar,”- tha Kushtrimi duke ngritur pyetjen nëse kjo situatë do të kishte ndodhur me një çift normal.
