Komisioni i Pavarur i Kualifikimit shkarkoi të premten nga detyra prokurorin e Lezhës, Bardhok Lleshi.
Vendimi u dha nga trupa gjykuese e përbërë nga Olsi Komici, Valbona Sanxhaktari dhe Xhensila Pine.
Gjatë seancës dëgjimore, Komisioni i Pavarur i Kualifikimit ngriti dyshime se prokurori i Lezhës ka fshehur pasuri, se është gjetur në kushtet e konfliktit të interesit dhe se nuk mundet të provojë burimin e ligjshëm të pasurive të tij. Avokati i Lleshit i kundërshtoi gjetjet e Komisionit dhe kërkoi riçeljen e hetimit.
