Të paktën 67 njerëz kanë vdekur pasi një tërmet me magnitudë 6.2 ballë goditi të premten ishullin e Sulawesi në Indonezi.
Qindra persona janë plagosur e mijëra kanë mbetur të pastrehë. Ekipet e shpëtimit, po kërkojnë nën rrënojat e një spitali pjesërisht të shkatërruar ku kanë mbetur të bllokuar, pacientë e familjarë të tyre.
Indonezia është goditur shpesh nga tërmete të forta dhe tsunami. Dy mijë persona humbën jetën në vitin 2018 si pasojë e një tërmeti në ishullin e Sulawesit.
