Andy Murray ka rezultuar pozitiv për Covid-19. Lajmi vjen pak ditë para fluturimit të planifikuar për në Melburn për Australian Open, i cili do të fillojë më 8 shkurt.
Është ende e paqartë koha kur ka dalë pozitiv 33-vjeçari, por është konfirmuar se ai është izoluar në shtëpinë e tij në Surrey, Angli.
Skocezi shpreson ende të konkurrojë në Australi, megjithatë kjo mund të ndodhë vetëm kur ai të jetë shëruar plotësisht dhe të ketë marrë leje nga autoritetet shëndetësore dhe organizatorët e Australian Open.
