Gjatë kohës së tij te Barcelona, Ronaldinho, ishte një mësues i shkëlqyeshëm për Lionel Messin. Braziliani e këshilloi argjentinasin që në moshë të re dhe kapiteni aktual i klubit u rrit shumë nën “tutelën” e tij.
Por kjo histori kishte shumë gjasa të mos ndodhte, nëse Joan Laporta do të kishte këmbëngulur për të sjellë në “Camp Nou” Cristiano Ronaldon .
“Ne ishim gati për të nënshkruar me Ronaldinhon dhe Rafa Marquez,” tha Laporta në Twitter. “Njerëzit afër Marquez na propozuan Cristiano Ronaldon. Ai ishte te Sporting-u në atë kohë.
“Një nga agjentët e tij tha se ata kishin një lojtar të cilin ata ia kishin shitur [Manchester] United për 19 milion, por ata do ta shisnin atë te ne për 17 milion.
“Por ne kishim investuar tashmë te Ronaldinho në atë kohë. Cristiano në atë kohë luante vetëm në krah dhe jo në qendër. Ne menduam se ishim të mbuluar në atë aspekt, kështu që e refuzuam atë dhe nuk pendohem”.
Futbolli modern mund të ishte krejtësisht ndryshe sikur Laporta të nënshkruante me Ronaldon.
