Glejdis Ndraxhi ka dalë në stërvitje me Tiranën. Ish-mesfushori i Apolonisë u largua pak ditë më parë nga fierakët, teksa duket se do jetë futbollisti më i ri i bardhebluve.
22 vjeçari ka zhvilluar edhe stërvitjen e parë me grupin, teksa është stafi teknik që do vendos për zyrtarizimin ose jo të tij me kampionët në fuqi të Shqipërisë.
Duket se dëmtimi i Çelhakës ka bërë që bardheblutë të ndërhyjnë në merkato, duke afruar lojtarin që për pak muaj zhvilloi 5 ndeshje.
Lojtari ka qenë pjesë e Besës së Kavajës në Shqipëri, ndërsa ka luajtur edhe për Arminia Hannover në Gjermani. Ndraxhi aktivizohet para mbrojtjes.
