Gjykata e Vlorës ka dhënë masën e sigurisë arrest me burg për shtetasin Fatos Dush, i arrestuar për strehimin e shtetasve sirianë të kapur në gomonen që do t’i transportonte për në brigjet italiane.
Fatos Dusha u arrestua në Tiranë si personi që kishte strehuar fillimisht sirianët, ndërkohë që është ende i paqartë roli i tij në skemën e trafikimit të qënieve njerëzore.
“Nuk kam asnjë lidhje me trafikantët, ne jemi një hostel. Vijnë shtetas të huaj për 6-7 € krevati dhe flenë. Më akuzojnë si trafikant ndërkohë që kam tre muaj pa paguar ujë dhe drita.
Edhe 6 muaj më parë më erdhi kontroll Drejtoria e Policisë së Tiranës, sirianët ia dërgojnë locationin njëri tjetrit se është lirë. Skam asnjë dijeni për trafikun apo lidhjet, unë ushqehem më këtë punë”, ka thënë Dusha përpara gjykatës.
Pak ditë më parë 50 sirianë, mes të cilëve edhe gra e fëmijë u shpëtuan nga mbytja, pas alarmit të dhënë në sallën operative të policisë. Sirianët u gjendën në bordin e një gomoneje, pranë grykëderdhjes së Vjosës, ndërsa kishin 3 orë që ndodhedhin në det. Disa prej tyre kishin marrë plagë dhe u shtruan në spital
