Partizani përballet me Skënderbeun të shtunën në orën 13.45 në transfertë, në kuadër të Kategorisë Superiore. Kjo është ndeshja më e lehtë në letër për të kuqtë, pasi 3 të tjerat janë supersfida, me kalendarin që nuk do tregohet bujar me ta.
Me 21 janar luhet derbi ndaj Tiranës, 90 minutësh që vlen më shumë sesa tre pikë për të dyja ekipet. 4 ditë më pas, të besuarit e Dajës masin forcat me Teutën në Durrës, rival ky i drejtëpërdrejtë për titullin.
Nuk mbaron me kaq, pasi me 31 janar është në program sfida ndaj kryesuesve të Vllaznisë, me kryeqytetasit që luajnë në shtëpi.
Partizani renditet në vendin e dytë me 20 pikë.
