Kryeministri Edi Rama njoftoi se do të marrë vaksinën kundër Covid-19. ditën e sotme Lajmin e bëri të ditur vetë ai gjatë një konference për shtyp. Ai pohoi se do ta marrë vaksinën për të shtuar besimin tek vaksinimi, pas teorive konspiracioniste që kanë qarkulluar. Rama shtoi vaksinimi do të nisë sot në orën 15:00.
Ndërsa, Ministrja e Shëndetësisë, Ogerta Manastirliu ka prezantuar planin e vaksinimit.
Manastirliu tha se nga këtë 11 janar fillon vaksinimi për mjekët dhe infermierët si më prioritarët brenda sistemit shëndetësor. Nga ana tjetër Manastirliu ka theksuar se prioritarë gjatë vaksinimit do të jenë dhe të moshuarit që jetojnë në institucionet e kujdesit shëndetësor apo shtëpitë e të moshuarve.
“Prioriteti i grupeve që do vaksinohen janë: Personat në përballje të përditshme me COVID-19, punonjësit e shëndetësisë, mjekët, infermierët, epidemiologët, urgjenca. 23 mijë bashkë me personelin mbështetës, mjekët e infermierët do jenë të parët që do vaksinohen. Vaksinimi i tyre fillon sot, dhe do shtrihet sipas kapaciteteve. Punonjësit në reanimacion, urgjenca e më tej. Prioritarë janë personat e moshuar dhe ato me probleme shëndetësore, ku në fazën e parë planifikojmë punonjësit shëndetësorë, por kemi vaksinim të kombinuar. Të jemi shumë specifikë në ato grupe që kanë nevoja urgjente. Planifikojmë që personat në azile dhe kujdesit shëndetësor të vijojë vaksinimi paralelisht”, tha ministrja.
“Vaksinimi do të bëhet në qendra të posaçme. Kemi bërë këto post-stacionet. 60 poste vaksinimi vetëm këtu, që kanë parashikuar të gjithë elementët e sigurisë e cilësisë, bashkë me vaksinatorët. Kemi marrë masat që të gjithë vaksinatorët të jenë të trajnuar për Pfizer/BioNTech. Pikat tona të vaksinimit, do të vijojnë në Shkodër e Vlorë. Mbi bazën e vlerësimit vlerësojmë se në disa muaj do përfundojmë vaksinimin e grupeve prioritare. Në arenën kombëtare prej mbi 60, sipas asaj që nevojitet. Nuk do të ketë vetëm në Tiranë, Shkodër, Vlorë e më tej. Do të ketë kartë vaksinimi, që do të ketë të gjitha të dhënat”, shtoi ajo.
