Policia e Korçës ka shoqëuar një person, rreth 30 vjeç, nga Fieri, si i dyshuar në përfshirjen e grabitjes së një shume parash në banesën e një kambisti.
Ngjarja ndodhi mëngjesin e sotëm, ndërsa njëri prej grabitëse u neutralizua ngakambisti dhe familjarët e tij, deri në mbërritjen e policisë.
Nga raportimet ka dyshime se grupi i grabitësve janë të njëjtët me atë që ka kryer grabitjen e kambistit Erion Rrënja përpara disa javësh.
Tre persona të armatosur hynë mëngjesin e sotëm në banesën e kambistit Shefqet Muça, duke marrë një shumë parash.
Kambisti, së bashku me gruan dhe me djalin e tij, janë përleshur fizikisht me autorët, ndërsa një prej grabitësve e kanë dhunuar dhe e kanë shtrirë në tokë, deri në mbërritjen e policisë, që i vuri prangat.
Si kambisti Muça, ashtu dhe një prej grabitësve u çuan për mjekim në spital, ndërsa lëndime më të lehta ka marrë bashkëshortja dhe djali i kambistit, që po ashtu kanë parë të gjithë skenën.
Dy grabitësit e tjerë kanë mundur të largohen nga vendngjarja, së bashku me sasinë e parave të marra nga banesa, shuma e të cilave nuk dihet ende. Kjo është hera e katërt që banesa e Muços grabitet, ndërsa ngjarjet zakonisht kanë mbetur të pazbardhura nga ana e Policisë.
