Real Madridi nuk shkoi më shumë se një barazim 0-0 kundër Osasunas. Trajneri Zinedine Zidane u shfaq mjaft i nervozuar në konferencën për shtyp, pasi e theksoi se “Los Blancos” u detyruan të luajnë.
Reshjet e borës ishin të pranishme gjatë ndeshjes ndaj Granadas. Reali pati probleme dhe me uljen, pasi fluturuan rreth 3 orë para se avioni i tyre do të ulej në aeroport.
“Gabim i madh që me udhëtimin, duke pritur pafund në avion. Gabim, gabim, gabim! Bëmë atë që mundëm në fushë, por ajo nuk ishte një ndeshje futbolli. Ishin kushte shumë të vështira.
“Tani nuk e dimë as kur do kthehemi në Madrid (aeroporti i Madridit është i mbyllur). Në fund të fundit të tilla ishin kushtet, ky është futbolli, në fakt jo sepse kjo nuk ishte ndeshje futbolli (qesh).
“Tani të rezistojmë dhe të harrojmë këtë që ndodhi, duhet të përqendrohemi te ndeshja e radhës (të mërkurën ndaj Athletic Bilbao). E luajtëm këtë ndeshje sepse ishim të urdhëruar ta bënim dhe në fund të gjithë e pamë se në çfarë kushtesh u zhvillua gjithçka.
“Ju mund të mendoni se këto janë justifikimet tona, por nuk janë. Njerëzit duan të shohin një ndeshje futbolli, por sot nuk ishin kushtet për të parë një të tillë. Ky është qëndrimi i gjithë skuadrës. Kaq kam për të thënë”, tha Zidane.
