WhatsApp do të detyrojë përdoruesit të pranojnë një politikë të tij të re të privatësisë brenda muajit të ardhshëm, ndryshe mund ta humbasin mundësinë për të hyrë në aplikacion.
Pranimi i kushteve do të thotë që të dhënat personale të një përdoruesi, përfshirë numrin e tyre të telefonit, do të ndahen me Facebook-un, i cili zotëron edhe WhatsApp-in.
Të gjithë përdoruesit duhet të bien dakord për kushtet e reja deri më 8 shkurt 2021, ose përndryshe humbasin hyrjen në biseda dhe kontaktet e tyre.
Përditësimi vjen në formën e një njoftimi brenda aplikacionit, të cilin përdoruesit mund të zgjedhin ta injorojnë derisa të vijë data.
“Duke klikuar te “Agree”, ju pranoni kushtet e reja, të cilat hyjnë në fuqi më 8 shkurt 2021.Pas kësaj date, do të duhet të pranoni kushtet e reja për të vazhduar përdorimin e WhatsApp. Ju gjithashtu mund të vizitoni Help Center nëse preferoni ta fshini llogarinë tuaj”,- thuhet në njoftim.
WhatsApp fillimisht refuzoi të komentojë mbi këtë përditësim të ri, por një zëdhënës i tha “The Independent” se “Përditësimet e politikës së privatësisë ishin të zakonshme në industri dhe se përdoruesit kishin kohë të mjaftueshme për t’i rishikuar ato. Përditësimi është krijuar për të ofruar integrime në të gjithë Produktet e Kompanisë Facebook, i cili gjithashtu përfshin Instagram dhe Messenger. Nuk ka asnjë ndryshim në praktikat e ndarjes së të dhënave të WhatsApp në rajonin e Evropës (përfshirë Mbretërinë e Bashkuar) që rrjedhin nga Kushtet e Shërbimit dhe Politika e Privatësisë së azhurnuar. Për të shmangur çdo dyshim, është akoma mundësia që WhatsApp të mos ndajë të dhënat e përdoruesve të WhatsApp të rajonit evropian me Facebook me qëllim që Facebook të përdorë këto të dhëna për të përmirësuar produktet ose reklamat e tij. ”
Disa aktivistë të privatësisë e vunë në dyshim lëvizjen “Pranoni marrjen e të dhënave ose dilni jashtë” dhe i këshilluan përdoruesit të instalonin aplikacione si Signal dhe Telegram, informon dritare.net Popullariteti i Signal u rrit edhe më shumë ditët e fundit, pasi u mbështet nga Elon Musk, i cili ka një ndër account-et më të ndjekura në Twitter dhe nga drejtuesi i faqes së microblogging, Jack Dorsey. Instalimet e reja të WhatsApp ranë me 11% në 7 ditët e para të vitit 2021 krahasuar me një javë më parë, por gjithsesi vlerësohet se ka pasur 10,5 milionë shkarkime në nivel botëror.
