Barcelona vazhdon me serinë e fitoreve teksa kanë mposhtur mbrëmjen e djeshme 0-4 Granada-n.
Antoine Griezmann zhbllokoi takimin në minutën e 12-të, teksa në minutën e 35-të erdhi edhe rrjeta e Leo Messit.
“Pleshti” dërgoi sërish topin në rrjetë tre minuta përpara fundit të pjesës së parë. Ylli argjentinas ekzekutoi me mjeshtri një goditje dënimi dhe topi në rrjetë. Pas një ore lojë erdhi edhe goli i katërt. Finalizim i bukur i Griezmann, i cili gjeti golin e dytë personal.
Vendasit e mbyllën takimin me dhjetë lojtarë pas daljes me të kuqe të Jesus Vallejo (78′). Kjo ishte fitorja e tretë radhazi jashtë fushe në kampionat për Barcelonën.
Nga ana tjetër, Real Madrid ka gabuar gjithçka në ndeshjen kundër Osasunas. Kampionët e Spanjës nuk kanë shkuar më shumë se një barazim 0-0 në transfertë kundër modestëve të La Ligas.
Madrilenët u shfaqën pa grintë dhe nuk kishin shpirtin e duhur të garës. Ata dominuan lojën, por nuk arritën që të gjenin golin. Shanset e pastra për shënim munguan, ndërsa Osasuna u mbrojt mirë.
Vendasit ishin të vendosur mirë në mbrojtje dhe nuk u çanë nga Hazard, Asensio dhe Benzema. Reali tashmë mbetet në vendin e dytë me 37 pikë, 1 më shumë se Atletico dhe me 3 ndeshje më shumë.
