Shkrimtari dhe publicisti i njohur, Kim Mehmeti, ka regguar ashpër pas skandalit të fundit, ku shqiptarët vuajnë dhe po lagen në shi, ndërsa rilindasit darkojnë në restorantin më të shtrenjë, atë të Nusretit.
Me anë të një postimi në Facebook, Mehmeti shkruan se është e turpshme dhe skandaloze për politikanët shqiptarë, të cilët sapo ndiejnë erën e mishit harrojnë qytetarët.
Sipas tij sido që ta marrësh darka e pushtetarëve shqiptarë në Dubai shpalos dukjen e burrështetasve që nuk e kanë të zbrazur barkun, po trurin, gjë që i bënë të mos kenë turp e të jenë të pandjeshëm ndaj popullit që ua mundëson gjitha ato privilegje.
Ja postimi i Mehmetit:
Mediat raportojnë për ahengun e qeveritarëve të ‘Rilindjes’ të shtruar në Dubai.
Çfarë paturpësie dhe pandjeshmërie e pushtetarëve të cilët posa e ndiejnë erën e mishit të pjekur, e harrojnë popullin që i ushqen, popullin që sot ‘mbytet’ nga rreshjet dhe dridhet nga i ftohti.
E në ndërkohë thonë se drekën ua paska paguar ndonjë princ arab?!
Me çka tregojnë sa nuk e kanë kuptuar se edhe si mysafir të cilitdo mbreti, darkat e drekat u shtrohen për nderë të popullit e shtetit që përfaqësojnë, andaj nuk u ka hije të sillen si njerëz perverzë të cilëve nuk ua kontrollon truri barkun, por stomaku trurin.
Po pra, sido që ta marrësh darka e pushtetarëve shqiptarë në Dubai shpalos dukjen e burrështetasve që nuk e kanë të zbrazur barkun, po trurin, gjë që i bënë të mos kenë turp e të jenë të pandjeshëm ndaj popullit që ua mundëson gjitha ato privilegje.
