Pak ditë pasi mori premtimin e Presidentit turk, rexhep Taip Erdogan, për ndërtimin e spitalit të Fierit para datës 25 prill, Kryeministri Edi Rama nuk ka humbur kohë. Gjatë vizitës në Fier për të parë nga afër situatën nga pvrmbytjet, Rama ka qenë në zonën ku do të ndërtohet Spitali i Ri rajonal.
Pra më tepër sesa situata e përmbytjeve, Rama ka pasur si qëllim tokën ku do të ndërtohet spitali dhe ka porositur kryetarin e Bashkisë së Fierit që të kontaktohet menjëherë me pronarët për të nisur procedurat e shpronësimit.
Rama tha se spitali Rajonal i Fierit do t’i shërbejë jo vetëm Fierit, po krejt zonës së jugut dhe jo vetëm dhe do të jetë pranë Bypass -it të ri e do të garantojë një akses të menjëhershëm nga aksi kryesor në hapësirën shembullore të shërbimit shëndetësor.
“Kjo këtu është perfekte dhe duhet bërë menjëherë komunikimi me zotëruesit e pronës dhe duhet bërë e artë që do jetë marrëveshje korrekte dhe e qartë për detyrimet e qeverisë ndaj tyre.
Procedurat dhe të fillojë puna. Dhe për cdo ditë që qeveria nuk mban angazhimin ata do të shpërblehen. Menjëherë nxirr emrat e familjeve që janë në këtë pjesë dhe të jenë të qetë që shpronësimi të jetë i sigurt. Të mos kemi problematike si në kohën e Saliut që ju humbte dokumentet”, tha Rama.
