Një tjetër humbje është shënuar ditën e sotme nga Covid-19 në Shqipëri. Ilir Mataj, ish ministër i Transporteve është ndarë nga jeta në spitalin Infektiv, pas një beteje të gjatë me Covid-19.
Mataj mësohet se pësoi arrest kardiak ditën e sotme duke mos mundur t’ia dalë dot në betejën me virusin që e kishte mbëthyer që nga 22 dhjetori.
Ai ishte babai i tre vajzave dhe njihej si një person intelektual dhe një prind i shkëlqyer.
Lajmin e ka shpërndarë për mediat miku i tij Mitro Çela.
‘Elegji për mikun tim: Ilir MATA
Sot u nda nga jeta Ilir Mata. La me dhimbje gruan, tre vajzat, vëllain.
Njeri i mirë. Modest. Ekonomist i zoti. Për disa kohë dhe ministër i Transportit.
Dua të të ngushëlloj familjen, miqtë, shokët…
Por nuk gjej fjalët e duhura!
Mund të mbyllim sytë e të lutemi që të kthehet!‘, shkruan Mitro Çela.
