Negociatat midis Sergio Ramos dhe Real Madridit për rinovimin e kapitenit janë në buzët e të gjithëve. Antonio Romero argumentoi: “Megjithëse jemi në një moment të ftohtë të negociatave, besoj se do të përfundojë me një fotografi të Ramos dhe Florentinos duke u përqafuar.”
Për më tepër, Romero theksoi: “Në futbollin profesionist, dashuria dhe paraja janë zakonisht shumë afër, por nuk mendoj se është thjesht çështje parash. Ramos ka ndjenjën se Real Madridi nuk po përpiqet të rinovojë me të. Pra, nuk po ndien rëndësinë që ai beson se e meriton në klub”.
“Kjo më jep ndjesinë se të dyja palët kanë humbur diçka tashmë, edhe nëse rinovimi kryhet, – tha Miguel Martín Talavera. – Nëse e largon kapitenin dhe legjendën tuaj më të madhe në klub për çështje parash, unë mendoj se është shumë e shëmtuar”.
Për Jesús Gallego, “çdo ditë që kalon, Ramos po dëmton imazhin e tij”. Diçka që bie në kundërshtim me mendimin e Julio Pulido, i cili shtoi: “Unë jam i qartë që Florentino Pérez e ka arritur qëllimin e tij, i cili është të vërë në dyshim peshën e Ramos te Real Madridi. Imazhi i tij po minohet”.
Në fund, Miguel Martín Talavera deklaroi: “Real Madridi nuk mund të lejojë që legjenda e tij të largohet në këtë mënyrë. Ai nuk mund të veprojë si me Raúl, Casillas, madje edhe Cristiano, i cili të paktën dërgoi 100 milionë euro në arkat e klubit. Nëse të gjitha simbolet e Real Madridit largohen në në këtë mënyrë, atëherë ka një problem”.
