Pas Durrësit dhe Elbasanit, ku si drejtues qarqesh janë caktuar Edi Paloka dhe Gazmend Bardhi, kreu demokrat Lulzim Basha duket se ka zyrtarizuar edhe drejtuesin politik për qarkun e Lezhës. Mësohet se në këtë qark është caktuar Flamur Noka, i cili më parë ka qenë drejtues politik në Kukës.
Në këtë mënyrë, duket se PD po avancaon me procesin e përcaktimit të drejtuesve të qarqeve, ku deri më tani janë caktuar ato në Shkodër, Vlorë, Fier, Durrës, Elbasan dhe Lezhë.
Ndërkohë pritet të zyrtarizohen drejtuesit e qarqeve në Korçë, Berat, Gjirokastër, Tiranë, Dibër dhe Kukës.
Në Shkodër, Basha caktoi helidon Bushatin, në Fier Enkelejd Alibeajn dhe në Vlorë prej javësh është caktuar Bujar Leskaj.
Një ditë më parë PD përmbylli marrëveshjen me 5 parti opozitare, të cilët do të garojnë në listën e kandidatëve për deputet të Partisë Demokratike.
Në vijim pritet që PD, si partia më e madhe e koalicionit të parë opozitar, të arrijë një marrëveshje me LSI-në, e cila do të drejtojë një tjetër koalicion brenda asaj që njihet si opozita e bashkuar.
