E ndërsa opozita e bashkuar e drejtuar nga PD-LSI, ka propozuar që teknologjia në zgjedhjet e 25 prillit, votimi dhe numërimi elektronik, të aplikohen në Korçë dhe Fier, socialistët kanë dhënë konsensusin e tyre vetëm për Korçën.
Në propozimin që kanë depozituar në KQZ, PS propozon që projekti pilot krahas Korçës të aplikohet në Tiranë, por jo në zonat rurale, por ato urbane.
Aplikimi i teknoogjisë në zgjedhje është një nga pikat e dakordësuara në Këshillin Politik, ndërsa për zgjedhjet e 25 prillit, ai mund të zbatohet në 20 % të qendrave të votimit. Për ta bërë të zbatueshëm këtë dakordësi të arritur muaj më parë, duhet që palët të arrijnë konsensusin.
Nuk dihet nëse palët do të dakordësohen dhe cila prej tyre do të heqë dorë nga qëndrimi i paraqitur në KQZ.
