Zbardhen të tjera detaje nga aksidenti me vdekje në Durrës. Mësohet se viktima 25-vjeçare, ishte efektive e sigurisë portuale.
Kaë nisur hetimet për zbardhjen e ngjarjes së rëndë, ndërsa mësohet se drejtuesi i trajlerit që aksidentoi të renë, është shoqëruar nga policia.
Durrës/Informacion paraprak
Më datë 07.01.2021, në orën 15:30, në lagjen nr.3, Durrës, në ambientet e portit, shtetasi F. K., 39 vjeç, duke drejtuar mjetin tip “Man”, trajler, ka aksidentuar shtetasen A. H., 25 vjeçe, e cila për pasojë ka ndërruar jetë.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
