Si e joshi Rama-Nasip Naçon që të kalonte tek PS-ja? Publikohet video: O Nasip, na fto një ditë o burr!

Ish-ministri i Drejtësisë, Nasip Naço i është bashkuar Partisë Socialiste. Vendimi u njoftua sot nga vetë Naço.

“Dosja.al” ka publikuar sot video, që raportohet se është xhiruar rreth një muaji më parë, ku kryeministri shihet i shoqëruar me ish-ministrin tjetër të LSI-së, Lefter Koka dhe Damian Gjiknurin teksa konsumojnë verë në një restorant.

Kryeministri e fton disa herë Nasip Naçon të takohet me ta, ndërsa Koka i thotë kryeministrit se Naço është i pakënaqur me LSI-në, pasi në vend të tij do të garojë Elona Guri në qarkun e Beratit.

BISEDA:

Edi Rama: Po ku je mo Nasip, ku je mo burrë, kaq partiak je, sa nuk vjen as të pish një gotë verë? Se ti je dhe qytetar… pi njeriu një gotë verë… apo ke hall se të shpallin armik. Ti s’je shpallur akoma po në listë je për t’u shpallur për armik… shihe pak këtë shihe (tregon me telefon Damian Gjiknurin që qesh).

LEXO EDHE  KPK jep vlerësim pozitiv, gjyqtarja Valbona Vata konfirmohet në detyrë

Hë mo fol ti…

Lefter Koka: Ky është pak kështu, nuk ka kurajo…

Edi Rama: Jo mo kurajo ka ky, por ka atë burrninë që do ta vrasin njëherë në mexhelis. O Nasip…

Lefter Koka: E ka vrarë Lona, i kanë thënë të vënë Elona Gurin para këtij…

Edi Rama: O Nasip, raki Skrapari vëlla, na fto ndonjë ditë, të jesh mirë, të përshëndesim vëlla.