Edhe pse i shkarkuar edhe në hetim për mosdeklarim të dënimeve penale, Agim Kajmaku ish-kryetar i bashkisë së Vorës, vazhdon të bëjë fushatë për Partinë Socialiste.
Siç shikohet edhe nga fotot, Agim Kajmaku vazhdon i qetë fushatën, madje në krah të ministres Elisa Spiropali.
“Unë mendoj që Partia Socialiste në Vorë, nuk ka pse të ketë turp, për të nxjerrë në foto, ish kryetarin e bashkisë të shkarkuar nga KQZ, për shkak të ligjit të dekriminalizimit. Ai siç e dinë të gjithë në Vorë, është i angazhuar maksimalisht në fushatë, merr pjesë në mbledhje partie, takime me elektoratin, kështu që PS dhe deputetët e saj, të angazhuar në Vorë, ia kanë borxh ta nxjerrin një herë të vetme me fytyrë në foto.
P.S. Shpresojmë mos ta lajnë borxhin duke e bërë prapë kryetar bashkie siç i kanë premtuar së fundmi”, thuhet në denoncimin e një qytetari, i cili ka publikuar edhe fotot.
