Dëshmia e vëllait dhe motrës së Zhanetës dhe Kristinës, dy motrave që u vranë me armë zjarri nga Përparim Ademi, ka bërë që prokuroria e Tiranës të nisë hetimet ndaj 59-vjeçarit duke e marrë në pyetje.
Familjarët e viktmave rrëfyen ditën e djeshme në emisionin ‘Shqipëria Live’ së Përparimi i kishte trafikuar dy motrat për prostitucion e që nga ajo kohë ka nisur dhe lidhja e tyre. Ata u shprehën po ashtu se motrat kanë lindur mbi 10 fëmijë me 59-vjeçarin dhe i kanë shitur në Selanik, pasi detyroheshin nga ky i fundit.
Vrasja ndodhi më 31 dhjetor. Përparim Ademi ekzekutoi me armë zjarri dy motrat Kristina Bardhin dhe Zhaneta Metanin në banesën e tyre në Astir, në sytë e Anxhelos, djalit 14-vjeçar të Zhanetës.
Pas krimit, familjarët e viktimave treguan se Zhaneta dhe Krishtina kanë bërë fëmijë me Përparimin dhe i kanë shitur ata në Selanik. Vëllai dhe motra tjetër e dy të vrarave treguan për dhunën që Ademi kishte ushtruar mbi ta për vite me radhë.
