“Edi Rama dështoi në çdo sektor të ekonomisë”, shkruan kreu demokrat Lulzim Basha në një postim në rrjetet sociale, duke publikuar edhe një video me premtimet e Kryeministrit.
Në video shfaqet Rama, kur në fillim të mandatit të tij premtonte rritjen e mirëqënies dhe uljen e çmimeve. Në fakt çmimet u rritën me 40 % dhe pothujase 50 % e shqiptarëve jetojnë në varfëri.
“Për 8 vjet Rama dështoi në çdo sektor dhe e shkatërroi ekonominë. Shpenzimet për të jetuar dhe papunesia rriten çdo ditë. Ne do të sjellim shpresë për Shqiperinë dhe shqiptarët”, shkruan Basha në postimin e tij.
PD premton rritjen e mirëqënies përmes hapjes së vendeve të punës, vendosjen e taksës së sheshtë prej 9 % dhe subvencioneve për fermerët dhe bizneset.
