Elona Kalesha, shqiptarja e arrestuar për krimin makabër të vrasjes dhe më pas copëtimit të trupave të Shpëtim dhe Teuta Pasho 54 dhe 52 vjeç, do të dalë para gjykatës në Itali, në datën 8 janar.
Në fund të muajit dhjetor të vitit të kaluar avokatët e shqiptares nga Durrësi apeluan vendimin e gjykatës që e akuzoi dhe e la në burg, duke kërkuar lirimin e saj.
Prokuroria italiane është shprehur se Elona ka një rrezikshmëri të madhe ndaj nuk duhet lënë e lirë. Ata dyshojnë se e reja ka lidhje me grupe kriminale dhe nëse del nga burgu mund të kryejë sërish krime të tjera.
Për gjykatësit hetues të Firences, Angelo Antonio Pezzuti, shqiptarja 36-vjeçare vrau dhe masakroi 54-vjeçarin Shpëtim dhe 52-vjeçaren Teuta Pasho , prindërit e ish-të dashurin që u zhdukën në vitin 2015, eshtrat e të cilëve ndodheshin në katër valixhet i gjetur midis 10 dhe 15 dhjetorit në një fushë ngjitur me burgun Sollicciano, në periferi të Firences.
Prokuroria dyshon se edhe dy persona të tjerë vepruan bashkë me 36- vjeçaren për të vrarë Shpëtim dhe Teuta Pashon dhe për t’i fshehur ata.
