Politikani italian, Franco Colleoni, është vrarë nga djali i tij 34-vjeçar. Karabinierët arrestuan Francesco Colleoni, pak orë pas krimit.
68-vjeçari u gjet i vrarë në oborrin e banesës së tij.
Sipas mediave italiane ngjarja ka ndodhur pas një konflikti me të birin Francesco, me të cilin kishte debate të shpeshta për shkak të restorantit në pronësi të familjes së tyre. Babai dhe djali janë konfliktuar për hapjen e restorantit dhe janë përleshur me njëri-tjetrin.
I biri e ka rrahur të atin, ndërsa i ka goditur kokën disa herë në një gurë. Kjo ka sjellë edhe vdekjen e 68-vjeçarit, sipas autoriteteve.
Gjatë natës, i arrestuari pranoi konfliktet me babanë e tij, por shprehej se nuk mbante mend asgjë për ngjarjen. Franco Colleoni ishte sekretar i “Lega Nord” në Bergamo për 5 vite.
