Një aksident i rëndë automobilistik u regjistrua mbrëmjen e së dielës në autostradën Elbasan- Metalurgji. Nga përplasja e dy mjeteve një tip volkswagen kabriolet me targa AA833 CR dhe një minibuzi mbetën të plagosur të paktën 7 persona , dy prej tyre me rëndë.
Informacion paraprak
Në aksin rrugor Elbasan- Bradashesh, automjet tip “Volksëagen”, është përplasur me një minibuz pasagjerësh.
Si pasojë e përplasjes janë plagosur 5 persona pasagjerë të minibuzit të cilët janë transportuar në spital të Elbasanit, dhe ndodhen jashtë rrezikut për jetën. Po si pasojë e përplasjes janë plagosur drejtuesja e mjetit të “Volksëagen” shtetasja F.B., dhe pasagjeri shtetasi K.D., ndodhen nën kujdesin e mjekëve.
Grupi hetimor ndodhet në vendngjarje dhe vijon punën për zbardhjen e shkakut të aksidentit.
Shërbimet e Policisë morën masa të menjëhershme duke siguruar rrugëkalimin e autoambulancave që transportuan në kohë të shpejtë të plagosurit si dhe bënë të mundur zhbllokimin e trafikut në të dyja kahët e lëvizjes.
