Viti 2020 ka qenë plot të papritura dhe një ndër to mund të konsiderohet fakti që Lionel Messi nuk ka arritur ta përfundojë vitin si argjentinasi me më shumë gola të realizuara. Diçka që përbën lajm pasi 33-vjeçari për më shumë se një dekadë i ka lënë pas patriotët e tij.
As Lautaro Martinez dhe as Sergio Aguero nuk ishin ata që thyen hemogjeninë e Messit. Lojtari që shënoi më shumë se çdo tjetër këtë vit kalendarik ishte Ramiro Rocca , një lojtar i dalë përmes akademisë Newell’s Old Boys .
32-vjeçari aktualisht po luan në Guatemala, dhe ai arriti të shënonte mesatarisht afër një gol për ndeshje. Në 27 ndeshje për CSD Municipal , Rocca shënoi 26 gola.
Nga ana tjetër, Messi shënoi në kampionat për Barcelonën 25 herë në 33 takime.
Mund të ketë qenë një vit për t’u harruar për shumicën e popullsisë së botës, por viti 2020 ishte ai që Rocca do ta kujtojë me dashuri përgjithmonë.
