Një ngjarje e rëndë ka tronditur Tiranën mesditën e sotme. 59-vjeçari Përparim Ademi ka qëlluar për vdekje me armë zjarri dy motra, Kristina Bardhin dhe Zhaneta Metanin, në banesën e tij, me njërën prej të cilave bashkëjetonte.
Ngjarja e rëndë ndodhi në rrugën “Bajram Dushi” në zonën e Astirit në Tiranë.
Mësohet se Përparim Ademi, me origjinë nga Maqedonia e Veriut, ka qëlluar me kallashnikov duke lënë të vdekura dy motrat.
Autori i vrasjes, Përparim Ademi
Dyshohet se ngjarja ka ndodhur për motive xhelozie. Ndërkohë, hetimet për të sqaruar rrethanat e ngjarjes vijojnë.
Banorët e pallatit ku ndodhi ngjarja, në një prononcim për Boldnews.al, bëjnë me dije se kanë dëgjuar dy herë të shtëna me breshëri.
Dyshohet se autori i vrasjes ka përdorur një armë zjarri tip Kallashnikov.
Përparim Ademi, tashmë i arrestuar nga blutë e Tiranës, ka deklaruar se “vrasjen e kam bërë për motive xhelozie, u nisa për tu vetëdorëzuar në polici”.
Viktima, Kristina Bardhi
Viktima Zhaneta Metani
/Boldnews.al/
