Kryeministri Edi Rama, i pyetur nëse do të bëjë një reagim ndaj qeverisë greke për zgjerimin në 12 milje në detin Jon, ka reaguar ashpër ndaj të gjithë atyre që e dënojnë këtë marrëveshje.
Rama ka thënë se po i fryhet zjarrit duke luajtur me patriotizmin, ndërkohë që shpjeguar se një proces dhe një rrugë të tilla ka ndjekur edhe Shqipëri në 1990.
Kreu i qeverisë tha se Greqia është në të drejtën e saj për të kërkuar zgjerim në Jon, nërsa shtoi se nuk cënohen territori i Shqipërisë.
“Çfarë ka për të mos u kuptuar. Besoj se çdo mendje normale e kupton se për çfarë bëhet fjalë. Besoj se ata që i fryjnë këtij zjarri janë të qëllimshëm, qoftë nga Lalzi, qoftë nga Presidenca, qoftë nga Prishtina. Janë të qëllimshëm. E kam të vështirë të besoj se këta fryrës të këtij zjarri të jenë kaq të mangët nga mendja e kokës, por kjo që po bëjnë për mua është e qëllimshme, për të luajtur me ndjenjat kombëtare, me ndjeshmërinë patriotike për të shfrytëzuar rastin që të krijohet një sebep për sherr dhe për ti ndare punët në patriotë dhe tradhtarë në mënyrën më të shëmtuar të mundshme.
Shqipëria në 1990 ka bërë të njëjtën gjë që bën Greqia sot. Sipas konventës Ndërkombëtare të Detit, çdo shtet që ka dalje në det ka të drejtën të zgjerohet 12 milje përtej kufirit ekzistues të njohur më parë, aty ku është e mundur.
Shqipëria e ka ushtruar këtë të drejtë në 1990 me një dekret të Presidiumit të Kuvendit Popullor dhe e ka depozituar këtë ushtrim të së drejtës në maj 1990 në Kombet e Bashkuara. Nuk rezulton që Greqia të ketë bërë në atë kohë një reagim apo deklaratë. Është e drejtë e çdo vendi. Të njëjtën gjë ka bërë edhe Greqia për detin Jon. Deti Jon është shumë përtej pjesës tonë, në pjesën tonë mes dy vendeve, nuk ka mundësi fizike për tu shtrirë 12 milje. Prandaj ne kemi negociuar kaq kohë dhe prandaj do shkojmë në gjyq.
Nëse kjo do të ishte kaq idjotike sa përshkruhet nga këta të pafe, padin, pa iman, vetëm për të nxitur urrejtje dhe dëshpërim, për të krijuar një trazirë të radhës në funksion të zgjedhjeve, për çfarë kemi negociuar ne”, tha Rama.
