Mbipesha dhe dhjami i depozituar në bark rrit rrezikun e vuajtjes nga migrena, sipas një studimi të publikuar në ”The Journal of Headache and Pain” kryer nga Universiteti i Oslos.
Studimi përfshiu 33 176 të rritur, nga të cilët 4 290 (12,9%) vuanin nga migrena, 4 447 (13,4%) nga dhimbja e kokës, 24,439 pa dhimbje koke (grupi i kontrollit).
Mbipesha shoqërohej me një rrezik 45% më të lartë të migrenës, ndërsa mbipesha e moderuar shoqërohej me një rrezik 15 deri në 25% të migrenës.
Në veçanti, dhjami i barkut shoqërohej me një rrezik prej 29% më të madh të migrenës, një rrezik që rritet në 89% (pothuajse dyfish) tek individët nën 50 vjeç.
Dhimbja e kokës nuk shoqërohej tek mbipeshat dhe obezët. Mekanizmat biologjikë që lidhin trashjen dhe dhjamin e barkut me migrenën mbeten për t’u sqaruar; proceset inflamatore dhe inflamacioni kronik i shoqëruar me kile të tepërta ndoshta luajnë një rol kyç.
”Yndyrat e barkut në veçanti çlirojnë substanca proinflamatore që mund të ndikojnë në sistemin nervor”, përfundojnë ekspertët.
