Tetë viktima dhe 109 raste të reja me koronavirus u raportuan të Martën në Kosovë.
Instituti Kombëtar i Shëndetësisë Publike të Kosovës (IKSHPK) tha se rastet e vdekjes janë: nga dy në Ferizaj dhe Lipjan dhe nga një në Dragash, Fushë-Kosovë, Prizren dhe Vushtrri.
Rastet e reja pozitive, ndërkaq, rezultuan pas 744 testimeve.
IKSHPK njoftoi se në 24-orëshin e fundit janë shëruar edhe 454 pacientë nga koronavirusi.
Me këto shifra, numri total i të infektuarve në Kosovë arrin në 50 910, i viktimave në 1 325 dhe i të shëruarve në 40 423.
Aktualisht, raste aktive në Kosovë janë 9 162.
