“Protothema.gr” i ka bërë jehonë deklaratave të Kryeministrit Edi Rama, sipas të cilit Greqia është në të drejtën e saj, të zgjerojë kufirin detar me 12 milje, atje ku është e mundur.
“Mesazh për Ankaranë nga Tirana – “Greqia nuk kishte reaguar kur Shqipëria kishte zgjatur ujërat e saj territoriale në 12 milje në vitin 1990 ”, theksoi Kryeministri shqiptar.
E drejta e Greqisë për të zgjatur sovranitetin e saj në 12 milje detare në detin Jon deri në Kepin Tainaro në Peloponez mbrohet nga Kryeministri shqiptar, Edi Rama”, shkruan media greke.
Në artikull ata i kushtojnë rëndësi dhe përplasjes që u zhvillua ditën e djeshme mes Ramës dhe opozitës për çështjen e detit.
“Menjëherë pas miratimit të dekretit presidencial, në Shqipëri shpërtheu një përplasje politike me opozitën që sulmoi kryeministrin, duke e akuzuar atë për “bisedime të fshehta” me Greqinë dhe tërheqje për të drejtat e Shqipërisë.
Kjo kritikë është ushtruar gjatë gjithë periudhës së mëparshme që pasoi njoftimin e Kryeministrit Grek, Kyriakos Mitsotakis, nga sallae Parlamentit për ushtrimin e të drejtës së vendit tonë”, theksohet më tej në artikull.
Në vijim media greke shprehet se “siç tha Edi Rama, “Greqia ka të drejtë të shtrijë ujërat e saj territoriale në 12 milje detare dhe kjo nuk ka asnjë lidhje me ndryshimin midis Athinës dhe Tiranës, ku distanca midis dy vendeve është më pak se 12 milje detare, Gjykata Ndërkombëtare e Drejtësisë do të vendosë”.
“Edi Rama komentoi se në vitin 1990, kur Shqipëria kishte vendosur të zgjaste sovranitetin e saj në 12 milje detare, Greqia nuk kishte reaguar, duke theksuar se edhe tani Tirana nuk ka asnjë arsye të përfshihet në këtë vendim të Athinës”, shkruan Protothema.
