Gjykata e Lartë po mendon hapjen e garës për tre anëtarët e Gjykatës Kushtetuese që sipas Ligjit do të përzgjidhen nga ata.
ZevendesKryetarit i Gjykatës së Lartë, Sokol Sadushi, në një prononcim për median tha se kjo bëhet me qëllim të që Gjykata e Lartë të mos bëhet pengesë për krijimin e gjykatës Kushtetuese.
“Përsa i përket çështjes që lidhet me plotësimin e Gjykatës Kushtetuese, sigurisht që plotësimi i Gjykatës Kushtetuese është ndoshta ndër çështjet më delikate dhe më të shumëpritura nga ana jonë, në mënyrë të veçantë nga ana ime , edhe për vetë fatkin që kam qenë pjesë e asaj Gjykate jam akoma tepër i interesuar që një orë e më parë ajo Gjykatë të bëhet.“
Në këto moment Gjykata e Lartë nuk ka kuorumin për përzgjedhjen e gjyqtarëve megjithatë Sadushi u shpreh besimplotë se me ritmin që do të ndjekë Këshilli i Lartë Gjyqësor se mesi i vitit tjetër do ta bëjë të mundur një kuorum të Gjykatës së Lartë.
“Por natyrisht që duhet të kemi parasysh edhe disa përcaktime që ligji ka bërë ku kërkon një kurum të nevojshëm për Gjykatën e Lartë dhe është e kuptueshme që ky kurum që kërkon ligji prej tre të katërtave, pra kërkon 15 gjygjtarë të Gjykatës së Lartë të cilët të kenë mundësinë të mblidhen dhe të vendosin për emërimin e tre gjygjtarëve të Gjykatës Kushtetuese, të cilët janë pjesë e gjyqësorit.“
“Kemi menduar që paralelisht me formatimin e Gjykatës së Lartë të nisim të mendojmë hapjen e garës që ka elementin pozitiv dhe negativë.
Hapja e garës, jep shpresë se Gjykata Kushtetuese do të krijohet por hapja e garës e bën të pamundur vendimmarjen për shkak të numrit të kufizuar që ka Gjykata e Lartë, por duke shpresuar me ritmin që do të ndjekë Këshilli i Lartë Gjyqësor jam besimplotë se mesi I vitit tjetër do ta bëjë të mundur një kuorum të Gjykatës së Lartë.“
Sadushi beson se 2021 mund të jetë viti i Gjykatës së Lartë qoftë në formatim e saj dhe faktit që ajo do luaj rolin për të ngritur Gjykatën Kushtetuese në mënyrë të plotë.
