Një aksident ku janë përfshirë pesë makina ka ndodhur në rrugën e Rinasit këtë pasdite. Policia thotë se nga përplasja dy persona janë lënduar lehtë dhe shkak është bërë lagështira në rrugë.
Njoftimi i policisë
Më datë 29.12.2020, në rrugën e “Rinasit”, dyshohet si pasojë e lagështirës janë përfshirë në përplasje 5 mjete. Si pasojë e aksidentit janë dëmtuar lehtë 2 shtetas, të cilët po dërgohen në ambulancë në spital, për të marrë ndihmë mjekësore, jashtë rrezikut për jetën.
Grupi hetimor ndodhet në vendngjarje dhe punon për sqarimin e rrethanave të ngjarjes.
