Tirana po tenton të afrojë lojtarë nga jashtë kufijvë të Shqipërisë. Duket se drejtuesit bardheblu po negociojnë me anësorin 23 vjeçar, Matej Cvetanovski.
Lojtari i Vardarit të Shkupit mund të jetë prurja e radhës nga Maqedonia e Veriut, pas Najdovskit dhe Toshevskit.
Futbollisti prej tre sezonesh është pjesë e shkupjanëve, teksa sezonin e shkuar u shpall kampion në vendin fqinj. Marrëdhënia e mirë me dyshen e Tiranës duket se ka bindur lojtarin që të hyjë në bisedime.
Vetë Cvetanovski për mediet në vendin fqinj është shprehur: Është e vërtetë që jam në kontakte me Tiranën, mirëpo është herët për të vendosur. Të shohim në vazhdim”, tha Matej për info-sport.mk.
