Pas ambasadores amerikane edhe ambasadori i Bashkimit Evropian në Tiranë, Luigi Soreca, reagon në lidhje me dekretimin e anëtarit të shtatë të Gjykatës Kushtetuese nga ana e Presidentit Ilir Meta.
Soreca përgëzoi kreun e shtetit dhe KED për mbylljen me sukses të procedurës për emërimin e anëtarit të shtatë të Gjykatës Kushtetuese.
“Sot Presidenti i Shqipërisë Ilir Meta ka dekretuar Znj.Sonila Bejtja si anëtare e 7-të e Gjykatës Kushtetuese. Ne e përgëzojmë Presidentin dhe KED për plotësimin e këtij vendi vakant. Ky vendim i rëndësishëm përforcon më tej funksionalitetin e Gjykatës”, -shkruan Soreca.
