Tirana do të luajë ditën e somte kundër Teutës në një sfidë që duhet ta fitojnë medoemos. Bardheblutë kanë disa probleme.
Problemi i parë është Toli, i cili mungon për sfidën e radhës në Durrës. Për momentin lojtari është me tre kartonë të verdhë në FSHF, por, në fakt, ai në sfidën me Kukësin ka marrë kartonin e katërt të verdhë. Ose, të paktën kështu raporton FSHF.
Akoma nuk është saktësuar nëse Toli do të luajë. Në këto kushte, Dede do të vendosë Giamfin në qendër të mesfushës së bashku me Bathën. Në krahun e majtë do të kthehhet Ismajlgeci, sepse klubi ka paguar gjysmën e mbetur të dënimit (1 ndeshje).
Dyshimi është në sulm, nëse do të jetë i gatshëm nga minuta e parë Sasraku. Në sfidën me fundit me Kukësin, Dede hodhi në fushë vetëm 19-vjeçarë, pasi skuadra kishte firuar në emra, për shkak të dëmtimeve apo dënimeve nga Komisioni i Disiplinës.
Formacioni i mundshëm i Tiranës: 4-2-3-1: Bekaj, Toshevski,Najdovski, Hoxhallari, Ismajlgeci, Giamfi, Batha, Halili, Torasa, Muçi, Sasraku
