Në futbollin shqiptar ndodh radhë të shohësh një sfidë të bukur në çdo aspekt, futbolli i hapur, raste për shënim dhe “lumë” golash, e tillë ishte pa diskutim sfida Partizanit-Kukësi.
Pesë gola të shënuar, raste pafund, emocione dhe në fund atë që festojnë janë të kuqtë e kryeqytetit. Ilir Daja triumfon sërish përballë Skënder Gegës, këtë herë në distancë.
Partizani thyen për herë të dytë verilindorët, këtë herë me rezultatin e thellë 4-1, në dukje një rezultat i tepërt në një ndeshje ku Kukësi bërë më shumë se kaq, mbi të gjitha në pjesën e parë ku morën shpejt kontrollin e lojës, Eze në minutën e 12-tën i pa shqetësuar në zonë nuk arrin të ul topin në kuadrat.
Partizani iu kundërpërgjigj me Malën që brenda në zonë lëviz bukur por e majta e tij shkoi mbi traversë. Eze bën me dhimbje kokë trajnerin Gega teka në minutën e 29-të tregohet i pavëmendshëm duke mos përfituar nga një mos koordinim ndërmjet Alban Hoxhës dhe Bitrit. Kukësi vijon të shtyj drejtë portës së Alban Hoxhës por as Gashi nuk ishte i saktë në finalizim.
