Të qënit personazh publik, “justifikon” çdo eksperimentim karriere. Ditët e sotme nuk ka më diferencë mes moderatoreve, këngëtareve dhe modeleve.
Çdokush me një numër të konsiderueshëm ndjekësish në rrjete sociale, pavarësisht se profesionit që ka, mund t’i japë vetes tituj të tjerë duke eksperimentuar në fusha të ndryshme artistike.
Rasti i parë është ai i Roza Latit, moderatorja e cila suksesin në televizion “tentoi” ta përkthente në sukses edhe në muzikë.
Roza ka njoftuar disa vite më parë se ishte gati të publikonte këngën e saj të parë, madje premtoi se do të ishte një projekt muzikor krejt ndryshe nga çdo gjë që kemi dëgjuar deri më sot. Dhe fundja ka patur të drejtë, projekti i saj është vërtet ndryshe nga çdo këngë që kemi dëgjuar deri më sot, sepse është inegzistent. Por, e lemë Rozën të vazhdojë emisionin dhe kalojmë tek Oriola Marashi.
Modelja në fakt, e ka më të qëndrushme se të tjerët idenë e të qënit këngëtare, pasi edhe studimet e larta i ka kryer për kanto. Por, teksa ka treguar prej disa vitesh se po punonte me studion muzikore të Noizyt, duke garantuar një super-hit, deri më sot nuk kemi dëgjuar gjë prej saj. Të vetmet raste ku përmendet Oriola, janë publikimi i fotove seksi apo ndonjë aludim rreth marrëdhënies me futbollistin Eros Grezda. Pas karrierës të mbetur pezull të modeles që dëshiron të bëhet këngëtare, kalojmë tek një Miss.
