Nëse do të jepej trofeu për skuadrën kampione të vitit kalendarik në Serinë A, pa dyshim që do ta fitonte Milani.
Kuqezinjtë do ta kishin garantuar fitoren e këtij trofeu pa qenë nevoja që të zbriste në fushë në ndeshjen e fundit ndaj Lazios në sajë të shkëputjes nga Interi i vendit të dytë.
Ekipi i Piolit konfirmoi tendencën pozitive të këtij viti të jashtëzakonshëm deri në fund, duke fituar në sekondën e fundit kundër bardhekaltërve falë golit të Theo Hernandezit.
