Këngëtari Mirudi thotë se pas performacës në festivalin e këngës, është kërcënuar me jetë.
Veshjet e tij janë cilësuar nga shumë persona si femërore, degjeneruese dhe i prishin imazhin festivalit.
Mirudi tha në “Shqipëria live” se vazhdimisht e kërcënojnë me mesazhe në rrjetet sociale, por kjo nuk i bën përshtypje.
“Është një veshje artistike, nuk e kam bërë krejtësisht i vetëm, kam pasur stilist dhe drejtor krijues, edhe festivali ka qenë në dijeni dhe më ka mbështetur”.
I pyetur nëse këtë veshje e zgjodhi për vëmendje, Muradi tregon se ishte plotësisht i fokusuar te kënga: “Veshjen e kam dashur ta bëj ashtu, është edhe pjesë e punës time në New York, por kënga ishte mbi të gjitha”.
Sipas këngëtarit, e kanë kërcënuar dhe bullizuar njerëz që as nuk e kanë dëgjuar këngën por kanë parë vetëm foton. Ai shton se kënga, nga ata që ndoqën festivalin, ka marrë një “feedback” shumë pozitiv.
