Pas deklaratës së presidentit të Serbisë, Aleksandër Vuçiç se ka nisur vaksinimi në veri të Kosovës me ‘Pfizer’ për të frenuar koronavirusin.
Mediat serbe, duke cituar presidentin serb, raportojnë se vaksinimi ka filluar në Leposaviç. Haki Abazi nga Lëvizja Vetëvendosje ka thënë se vaksinimi i qytetarëve në veri të vendit nga Ministria e Shëndetësisë së Serbisë është një shkelje e sovranitetit të Kosovës.
“Vaksinimi i qytetarëve të Republikës së Kosovës nga ana e Serbisë përbrenda territorit të Kosovës përbën shkelje të sovranitetit dhe kërcënim për sigurinë e vendit”, ka shkruar Abazi në rrjetin social Facebook.
