Partizani do të luajë ndeshjen e radhës në kampionat ditën e diel ndaj Kukësit. Të kuqtë pas fitores ndaj Kastriotit do të kenë sërish një tjetër sfidë delikate. Për këtë takim në kampin e kuq janë sërish në “hall” për gjendjen e mbrojtësit Egzon Belica.
Zv.kapiteni ka pësuar një dëmtim në gju dhe nuk është rikuperuar ende. Në sfidën përballë Kastriotit në qendër të mbrojtjes luajti Rron Broja, ndërsa te Partizani do të tentojnë deri në minutat e fundit për të patur Belicën në fushë ndaj Kukësit.
Në rast se mbrojtësi nuk do të jetë në fushë, te Partizani do t’i besojnë sërish Brojës nga minuta e parë në mbrojtje.
