Tirana barazoi dje 0-0 në transfertë me Kukësin. Bardheblutë me disa mungesa përballuan një ndeshje të vakët në lojë e raste, me duelin që nuk u ngrit asnjëherë në nivelin e pritur.
Trajneri Nevil Dede ia ka dalë të marrë një pikë në transfertë, teksa ka humbur për ndeshjen e radhës Ardit Tolin.
Mbrojtësi që ka marrë vend në mesfushë ndeshjet e fundit, u ndëshkua me kartonin e katërt të verdhë (minuta 92) këtë sezon dhe për rrjedhojë do duhet të bëjë një javë pushim.
Tirana do të luaj sërish në transfertë të diel, aty ku në 16:45 e pret Teuta në “Niko Dovana”. Pas Cale, Çelhakës dhe Ismajlgecit, bardheblutë duhet të bëjnë llogaritë edhe pa Tolin.
