Një përleshje e dhunshme ka ndodhur mes shoferëve të kamionëve dhe policisë në portin e Dover, Angli. Shoferët janë zemëruar pasi kanë qëndruar me ditë të tëra në radhë për të kaluar në Francë dhe kanë përfunduar në përplasje me oficerët, të cilët përpiqeshin të mbanin dhjetëra nga ata që ishin mbledhur për të shfryrë zhgënjimin e tyre.
Gazetari Ermal Hallaci bën me dije se mijëra kamionë janë bllokuar në qytetin e Kent dhe portin e tij që kur kufiri u mbyll të Dielën për shkak të frikës nga varianti i ri i koronavirusit, i cili u raportua se ishte jashtë kontrollit dhe kishte transmetueshmëri më të lartë.
Franca tashmë ka hequr pjesërisht ndalimin e udhëtimit, por tha kushdo që do të hyjë nga Britania e Madhe duhet të ketë patjetër testin negativ të Covid-19.
Gjatë 24 orëve të fundit, kanë rezultuar 39,237 persona pozitiv, ndërsa kanë ndërruar jetën 744 pacientë të infektuar me koronavirus.
