Policia e Shkodrës thotë se ka identifikuar autorët e dyshuar që qëlluan me breshëri armësh në drejtim të një lokali mbrëmjen e djeshme. Lokali është në pronësi të dy vëllezërve Pjetri, njëri prej të cilëve Alberti punonjës i Shqiponjave.
Policia ka shpallur në kërkim shtetasit: Rivaldo Planaj, Bardhok Planaj, Orlando Planaj dhe Mirsad Shpellzaj.
Shkak për këtë ngjarje dyshohet se është detyra që mbante Albert Pjetri, i cili disa ditë më parë kishte ndaluar një prej personave të dyshuar si autor i ngjarjes, Rivaldon, me të cilin ka pasur dhe një debat.
Kjo duket se është bërë shkak që të rinjtë të hakmerren ndaj tij, dhe ti qëllojnë me breshëri plumbash lokalin.
Në momentin që është sulmuar lokali mbrëmjen e djeshme brenda tij kanë qenë disa persona, të cilët kanë deklaruar se janë shtrirë përtokë kur është qëlluar.
Në vendngjarje janë gjetur dhjetra gëzhoja, ndërkohë që fatmirësisht nga ngjarja nuk pati persona të lënduar.
