Këngëtarja e famshme me origjinë shqiptare, Rita Ora, mund të bllokohet në Bullgari gjatë Krishtlindjeve, pasi vendosi të fluturonte drejt këtij shteti për të xhiruar videoklipin e saj.
Për shkak të mutacionit të ri të koronavirusit, pjesa më e madhe e vendeve të Evropës kanë vendosur të bllokojnë fluturimet me Britaninë e Madhe.
Sipas “The Sun”, qeveria bullgare ka shtyrë të gjitha fluturimet deri më 31 janar, për shkak të rritjes së numrit të të infektuarve me Covid-19. Por duket se ky vendim do t’i kushtojë shtrenjtë, këngëtares shqiptare.
“Rita u largua drejt Bullgarisë pas incidentit të ditëlindjes për të marrë kohë dhe për të reflektuar për gjithçka dhe që të punonte për videoklipin. Por gjërat kanë ndryshuar shumë shpejt dhe ajo rrezikon që të mbetet aty dhe një Zot e di se për sa kohë.
Ky është fundi më i keq pas disa muajsh të mbushur me makthe”- ka thënë një burim pranë Ritës.
Këngëtarja ka qenë në qendër të vëmendjes mediatike këto kohë, për shkak se theu rregullat anti-Covid.
