Partizani ka arritur një fitore tepër të vështirë 2-0 përballë Kastriotit. Të Kuqtë shënuan dy herë në fundin e ndeshjes duke u rikthyer te fitorja pas 4 ndeshjesh.
Golin e avantazhit, Partizani, e shënoi në minutën e 87-të me anë të Carës. Sulmuesi godet saktë me kokë i harruar brenda zonës, duke i dhënë kryesimin kryeqytetasve.
Në minutën e katërt shtesë, të kuqtë do të dyfishonin rezultatin falë Jasir Asanit. 25-vjeçari realizon nga pika e bardhë e penalltisë.
Me këtë rezultat, Partizani ngjitet përkohësisht në vendin e dytë, ndërsa për të mbajtur këtë pozicion, më parë duhet mësuar rezultati i supersfidës mes Kukësit dhe Tiranës e cila starton në orën 16:45.
