Këshilli i Lartë i Prokurorisë vendosi sot të shpallë fillimin e procedurave për plotësimin e 10 (dhjetë) vendeve vakante për ‘Drejtues Prokurorie’, përmes procedurës së ngritjes në detyrë.
Sipas KLP, në përfundim të afatit të aplikimit për 28 vende vakante për pozicionin ‘Drejtues Prokurorie’ në prokuroritë të juridiksionit të përgjithshëm dhe të apelit, kanë rezultuar 10 zyra prokurorie, ku është mbyllur procedura e konkurrimit pa kandidim ose pa kandidatë të kualifikuar, nga të cilat 3 zyra prokurorie pranë Gjykatave të Apelit dhe 7 zyra prokurorie pranë Gjykatave të Shkallës së Parë.
Prokuroritë pa drejtues
Prokuroria pranë Gjykatës së Apelit, Shkodër.
Prokuroria pranë Gjykatës së Apelit, Korçë.
Prokuroria pranë Gjykatës së Apelit, Vlorë.
Prokuroria pranë Gjykatës së Shkallës së Parë, Tropojë.
Prokuroria pranë Gjykatës së Shkallës së Parë, Dibër.
Prokuroria pranë Gjykatës së Shkallës së Parë, Përmet.
Prokuroria pranë Gjykatës së Shkallës së Parë, Gjirokastër.
Prokuroria pranë Gjykatës së Shkallës së Parë, Pukë.
Prokuroria pranë Gjykatës së Shkallës së Parë, Kavajë.
Prokuroria pranë Gjykatës së Shkallës së Parë, Berat.
